Kjölfesta hefur selt eignahlut sinn í Senu.
Úr fréttatilkynningu frá Senu.
Gengið hefur verið frá sölu á eignarhlut Kjölfestu í Senu. Jón Diðrik Jónsson stjórnarformaður og eigandi stærsta hluta í afþreyingafyrirtækinu Senu hefur keypt allt hlutafé í félaginu, í gegnum fjárfestingafélag sitt Draupnir fjárfestingarfélag ehf. Þeir hluthafar sem selja sína hluti í þessum viðskiptum eru: fjárfestingafélögin Kjölfesta, Sigla og Úrlausn sem og og framkvæmdastjóri félagsins, Björn Sigurðsson.
Kjölfesta keypti 30% hlut í Senu árið 2013 en er nú líkt og aðrir hluthafar að selja sinn hlut. Kolbrún Jónsdóttir framkvæmdastjóri félagsins segir að “kaupin í Senu voru fyrstu kaup Kjölfestu og hefur Sena verið góð eign í eignasafni sjóðsins. Það er stór áfangi þegar eignir eru seldar og nú þegar Kjölfesta selur sinn hlut erum við sátt og þökkum stjórn og starfsmönnum ánægjulegt samstarf ."